Alina Boz është një nga aktoret e reja në moshë, por me një karrierë të suksesshme në serialet turke.
Bukuroshja bionde është shumë e njohur edhe në Shqipëri pas debutimit të saj në rolin e Hazallit në “Fate të Kryqëzuara”. Aktorja prej vitesh është në një lidhje me këngëtarin Mithat Can Ozer, ku së fundmi u përfol për një ndarje të tyre.
Kjo nuk rezultoi aspak e vërtetë, madje dyshja së fundmi u panë së bashku. Në një intervistë të shkurtër për gazetarët, Alina u shpreh se gjithçka është në rregull. Aktorja turke nuk hezitoi të fliste edhe për planet e pushimeve.
“Sigurisht pushimet kanë ardhur. Dua të shkoj në det. Të bëj sërf ose diçka. Ne nuk i planifikojmë pushimet kryesisht ndodhin sipas ndjesisë së momentit,”-u shpreh Alina Boz.
Ju kujtojmë që më parë pas pretendimeve se janë ndarë ka reaguar Mithat Can Ozer. Ai mohoi gjithçka. Madje u shpreh i habitur nga trillimet që bëjnë për personazhet publike.
