Protestës së organizuar nga Fifi, që u mbajt në 31 gusht në sheshin Nënë Tereza, iu bashkuan shumë aktivistë dhe personazhe të njohur. Mes tyre edhe blogerja Zhaklin Lekatari, e cila pati edhe një debat me Fifin gjatë protestës për shkak të organizimit të protestave në vendin tonë.
Gjithçka nisi nga një aktiviste, e cila në fjalën e saj falendëroi Zhaklin Lekatarin për organizimin e protestës, gjë që nxiti një reagim edhe nga Fifi. Këngëtarja, me tone të larta tha se gjithçka ishte organizuar nga ajo.
E ftuar në “Euronews”, Zhaklin ka folur në lidhje me situatën e ndodhur me Fifin dhe tha se duhet të ishin shmangur debatet, duke mos lënë pa thumbuar këngëtaren.
Nga ana tjetër në studio ishte e ftuar edhe aktorja Monika Lubonja, e cila ishte gjithashtu pjesë e protestës. Sa i përket organizimit ajo tha se gjithçka është përgatitur nga ajo dhe Fifi, teksa shtoi se të dyja kanë qenë të rënduara emocionalisht pas ngjarjes së rëndë.
