Efi festoi pak ditë më parë ditëlindjen e saj të 28 në një festë të madhe, ku të ftuar ishin njerëzit e saj të dashur, miq e ish-banorë të Big Brother Vip.
Nëpër fotot që ajo vetë publikoi në rrjetet sociale, nuk u duk gjëkundi partneri i saj, por në fakt ai nuk kishte se si të mungonte në festë.
Ndonëse jo publikisht, partneri i saj e ka shoqëruar përgjatë gjithë natës, duke i qëndruar në krah. Miqtë dhe të pranishmit në festë kanë shfaqur edhe momentin ku çifti nuk i fsheh përqafimet.
Gjatë qëndrimit në Big Brother Vip, ndonëse Luizi e ngacmoi disa herë, Efi nuk ndau asnjë detaj të tij, përveç faktit që është njeri i qetë dhe se nxjerr më të mirën e saj. Më herët, ajo ka thënë se i dashuri i saj është ekonomist dhe se e thërret Genco.
Të shumtë kanë qenë ish-banorët e “Big Brother”, që kanë festuar me të deri në orët e para të mëngjesit, duke publikuar video dhe foto dhe në rrjetet sociale. Madje miqtë e ngushtë edhe e kanë surprizuar me dhuratën e veçantë në bashkëpunim me këngëtarin e saj të preferuar, Flor Mumajesi.
Kantautori, kishte risjellë një version tjetër të këngës “Mbaroj për ty”. Vetëm se këtë herë kanë qenë miqtë e Efit, që e kanë kënduar, duke i përshtatur edhe tekstin.
