Mes Turqisë dhe Greqisë kanë nisur polemika dhe akuza të ndërsjellta në çdo nivel. Edhe propoganda nuk mbetet pas. Pasi ministri i jashtëm turk Mevlut Tsavousoglou “ndau” Egjeun në dysh, duke thënë se Turqia do të ngrejë çështjen e sovranitetit në ishujt grekë sepse janë të militarizuar, propagandën e morën gazetarët dhe konkretisht CNN Turk.
Karakteristikë e klimës së tensionit që po përpiqen të kultivojnë turqit është se prezantuesja e stacionit, duke prezantuar hartat, u ka bërë thirrje bashkëqytetarëve që të vendosin një embargo turistike në ishujt dhe të mos vizitojnë asnjë prej tyre që janë të militarizuar.
Prezantuesja Hande Firat tregoi një hartë të ishujve grekë në të cilat Turqia po sfidon sovranitetin grek dhe i bëri thirrje qytetarëve turq që të mos i vizitojnë.“Të dashur shikues, qytetarë të Republikës Turke. Mos vizitoni këto ishuj, janë militarizuar dhe kanë të bëjnë me Turqinë. Edhe për këtë vit shpenzoni paratë tuaja në Turqi. Këtë vit mos i shpenzoni paratë tuaja për grekët.“-tha ajo.
Ndërsa ajo ka paraqitur edhe një hartë me ishujt, në të cilën duhet të bëjnë embargo turistike. Madje, përveç ishujve grekë, gazetarja ka treguar edhe bazat amerikane që ekzistojnë në Greqi, nga Aleksandoupolis në Kretë.“Një zyrtar i lartë më tha se investimet amerikane në këto fusha janë të mëdha. Gjithashtu, Ankaraja nuk beson se ky është rasti i Rusisë. Greqia ka dalë në ajër dhe po ndërton një mur dhe kjo e përforcon këtë fakt. SHBA mbledh të gjithë kapitalin dhe forcat e saj në Greqi”.-shtoi ajo.
