Kohët e fundit atë e kemi parë në një rol të ri një nga moderatoret e emisionit “Goca dhe gra” në Top Channël, në krah të Fatmës, Dalinës dhe Arminës. Poetja guximtare Rita Petro tregoi për “Mirëmëngjes” në Euronews Albania detaje nga jeta e saj private.Ajo përshkroi mëngjesin e saj të cilin e preferonte më shumë kur e merrte shtruar. Dita niste me kafen e mëngjesit, pak gjimnastikë dhe pak pikturë.
Ndërsa foli hapur dhe për ndarjen nga jeta të bashkëshortit, dhimbjen me të cilën tashmë kishte mësuar të jetonte dhe boshllëkun që ka lënë ai, poetja u shpreh se ishte gati për dashuri të reja.“Në fund të fundit ne kemi ardhur në këtë jetë dhe rrugëtimin e kemi vetëm përveç aksidenteve që mund të ndodhin bashkë. Jemi në një rrugëtim vetëm. Mund të ngjitemi në rrugën që rrallë shkohet.
Është rruga e ngritje shpirtërore, ngjitemi dyshe dhe është një fat i madh njerëzit që takojmë, por unë me thënë të drejtën jeta ime ka qenë gjithnjë e mbushur, siç ka qenë dhe jeta e partnerit tim.Prandaj kemi qenë dy njerëz që kemi ndenjur bashkë se kemi dashur të rrimë bashkë, jo sepse kemi krijuar lidhje varësie. Dhe unë prandaj nuk e kam ndjerë atë se ne kemi qenë të pavarur dhe nuk kam ndjerë atë pjesë që ndonjëherë ndjejnë gratë dhe burrat që më humbjen e partnerit jeta e tyre merr fund. Sepse është krijuar si lidhje varësie.Në momentin që je një person i lirë atëherë normalisht jeta për ty vazhdon.
Normalisht gjithë dyert janë të hapura kundrejt dashurisë se sa lloji i dashurisë. Ne i dimë shumë mirë që të gjitha llojet e dashurisë janë të mirë se ardhura derisa të kemi jetën, sepse në fund të fundit është një energji që e kemi brenda vetës,” – u shpreh Rita.
