Eltioni është banori i larguar mbrëmjen e sotme nga “Big Brother VIP”. Puntatën e kaluar, Iliri zgjodhi të çonte në nominim veten e tij dhe dy banorët e rinj Arbrin dhe Eltionin, pasi hapi kutinë e Pandorës.
Nga ky televotim, duket se publiku ka vendosur që Eltioni duhet të largohet. Aventura e tij mbaroi shumë shpejt pasi iu bashkua formatit vetëm 9 ditë më parë së bashku me Arbërin, Tan Bramën, Egzonën dhe Xheisarën.
Eltioni u përfshi në një debat të ashpër me Ilirin. Madje, ky i fundit as nuk e takoi mbrëmjen e sotme kur ai doli nga shtëpia.
Theksojmë se, Iliri me Eltionin kishin një debat të ashpër ku e gjitha ndodhi si shkak i një ngjarje që kishte ndodhur para shumë viteve.
Sipas Eltionit, Iliri kishte qenë ai që nuk e kishte zgjedhur si një nga balerinët e pëlqyer në një spektakël të vallëzimit 11 vite më parë dhe kjo gjë i ka mbetur në kokë Eltionit i cili ia tha në sy Ilirit teksa situata edhe u tensionua mes dyshes.
Kur erdhi në studio, Eltioni tha se nuk i kishte mbetur aq shumë qejfi për këtë gjë, por thjesht ishte një strategji e tij për ta nxjerr nga faza Ilirin.
