Shtëpia e “Big Brother Vip” kishte mysafirë të rinj mbrëmjen e djeshme si pjesë e sfidës për të darkuar me persona jashtë, si miqtë apo familjarët. Këtë herë u mirëpritën disa emra personazhesh të njohur dhe shumë të dashur për publikun shqiptar.
Agron Llakaj, Xhemi Shehu, Ermal Mamaqi, Ed Manushi, Flori Gjini, Salsano Rrapi ishin disa nga të njohurit që darkuan me 6 banorët Donaldin, Ilirin, Beniadën, Monikën, Einxhel dhe Arjola duke krijuar biseda shumë argëtuese dhe të qeshura pa fund.
Mirëpo, një moment Iliri vendosi në një moment të sikletshëm Xhemi Shehun duke e pyetur se po të hapte kutinë e “Pandorës”, cilët do të ishin tre banorë që ajo do të çonte në nominim.
Dhe ja si përgjigjet ajo: “Tani ju keni 120 ditë këtu, ndërsa unë kam 120 minuta. Nuk ta jap kurrë këtë përgjigje.”
Rikujtojmë se “prime-n” e sotëm do të mbyllet televotimi i hapur për të gjithë javën me qëllim që të vendoset se kush do të jenë finalistët e mbetur të “BB Vip”.
Deri më tani pretendentët më të fortë për çmimin e madh janë Beniada dhe Iliri. Ndërkohë, në vijim të javës pritet që në shtëpi të hyjnë edhe disa nga ish banorët si dhe vetë moderatorja Arbana Osmani.
