Ajo ka folur për shumë gjëra që kanë ndodhur gjatë vitit 2019, humbjen e të atit, skandalin me paratë, ndarjen nga Mozzik e po ashtu flet edhe për këtë vit, më shumë për kohën e kaluar me vajzën e saj, Hanën.
Në intervistë thuhet se biondja sivjet qëndroi më shumë pranë të bijës, për shkak të pandemisë së COVID-it.
“Unë kam qenë me të gjithë kohën, posaçërisht gjatë izolimit”, ka thënë ajo. Artistja tregon se Hana, e cila mbush dy vjeç këtë muaj, kupton katër gjuhë të ndryshme.
“Ajo me të vërtetë mund të flasë tani. Ajo tashmë mund të flasë me fjali të sakta. Kupton katër gjuhë, përfshirë anglishten, gjermanishten, shqipen dhe gjermanishten zvicerane. Ne flasim pak të përzier. Ajo kupton plotësisht gjithçka”, theksoi Zefi.
