Luizi i bëri Kiarës dje për Shën Valentin një nga surprizat më të bukura të jetës së saj. Ai performoi për moderatoren këngën që e kishte shkruar posaçërisht për të dhe historinë e tyre brenda shtëpisë së Big Brother.
Nuk munguan as fjalët “Të dua, jam më e lumtura në botë” në momentin emocionues të dyshes. Teksa rrinin të dy shtrirë në darkë, Kiara ka bërë shaka duke thënë: “Jam shtatzënë, kot nga hiçi”.
Luizi: Si do ma thuash? Kur të jesh… Kiara: Do të jap testin… Luizi: Me test do ma thuash? S’do ma thuash kshu… Kiara: Papritur siç të erdhi puthja. Luizi: Si është pozitiv, dy viza apo një? Kiara: Dy! Luizi: Ti ke me dal me tre viza.
Mëngjesi nuk ka nisur mirë për Luizin. ‘Lui’ siç thirret me përkëdheli nga Kiara, ka qarë mëngjesin e sotëm në oborr. Teksa qëndron i vetëm, duke pirë kafe, Luizi qan për një kohë të gjatë. Ai ul kokën dhe shfryn gjithë mallin që ka për personat jashtë (komentuesit thonë nënën).
Nuk dihet nëse nëna ishte arsyeja se përse Lui nisi ditën e sotme duke qarë e jo me energji, siç jemi mësuar ta shohim. Kujtojmë, se edhe më parë, teksa qëndronte i ulur në të njëjtin vendin, i shprehu Valbonës se ka shumë mall për nënën.
Ende asnjë surprizë nuk është bërë për Luizin brenda shtëpisë së ‘Big Brother VIP Albania’. Mbetet të shohim mos vëllai i madh bëhet zemër mirë dhe i lejon Luit një takim apo telefonatë me të afërmit e zemrës.
