Është rënduar situata e koronavirusit në Shqipëri. 6 qytetarë kanë humbur jetën në 24 orët e fundit ka bërë të ditur ministria e Shëndetësisë.
Ndërkaq, raste e reja janë 93. Njoftimi i Ministrisë së Shëndetësisë:
COVID-19/ Ministria e Shëndetësisë: 227 të shëruar, 93 raste të reja dhe 6 humbje jete në 24 orët e fundit
Dr. Flutura Beqo
Ministria e Shëndetësisë dhe Mbrojtjes Sociale
Ministria e Shëndetësisë dhe Mbrojtjes Sociale ju informon për situatën epidemiologjike në vend.
Sot është shënuar një numër rekord të shëruarish. Janë 227 qytetarë që e kanë fituar betejën më sëmundjen në 24 orët e fundit, duke e cuar në 5441 të shëruar që nga fillimi i epidemisë.
Gjatë 24 orëve të fundit në vendin tonë janë kryer 812 testime për vlerësimin e infektimit nga virusi SARS COV2, dhe 93 persona janë konfirmuar pozitivë me COVID-19.
Shpërndarja gjeografike e rasteve pozitive ditore është si vijon: 42 raste në Tiranë, 7 në Fier, 6 në Lushnje, 5 në Malësi e Madhe, nga 4 raste në Shkodër, Durrës, Korçë, Mirditë, 3 në Kavajë, nga 2 raste në Elbasan, Has, Vlorë, Librazhd, Gjirokastër, nga 1 rast në Devoll, Kamëz, Mat, Përmet.
