Mes Kosovës dhe Serbisë u arrit në marrëveshje për heqjen e dokumenteve për hyrje-dalje. Serbia u pajtua të heqë dokumentet për hyrje-daljet për qytetarët me letërnjoftime të Kosovës dhe Kosova u pajtua që të mos lëshojë dokumente të tilla për qytetarët që posedojnë karta të identitetit të Serbisë.
Shefi i diplomacisë evropiane, Josep Borrel, e cilësoi marrëveshjen Kosovë-Serbi për dokumentet e udhëtimit si një zgjidhje evropiane. Nga ana tjetër Vuçiç ka deklaruar se me njohjen e dokumenteve të Prishtinës nuk nënkupton njohjen e Kosovës.
