Një ndër emrat më të komentuar të programit të “Për’puthen” është ish-konkurrentja, Ana Lleshi. Ajo u përjashtua nga programi pasi shkeli rregullat. Ana u rikthye në rolin e opinionistes së këtij formati gjatë “Për’puthen Prime” dhe si pjesë e stafit të emisionit.
Sakaq, në video të ndryshme nga prapaskenat, ish-konkurentja gjendej kudo dhe gjatë xhirimeve. Pasi kjo u vu re nga ndjekësit, autorja e “dating show” Olsa Muhameti bëri me dije se Ana është bërë pjesë e stafit realizues të “Për’Puthen”.
Mirëpo, duket se kjo eksperiencë nuk ka zgjatur shumë për të. Së fundmi, burime pranë “News31” bëjnë me dije se Ana është pushuar nga puna për arsye që ende nuk dihen. Deri tani nuk ka asnjë reagim nga ajo, apo stafi i Për’puthen teksa ne mbetemi në pritje të detajeve të reja rreth asaj që ka ndodhur.
Kujtojmë se Ana ka qenë një ndër konkurrentet e para të “Për’puthen”, por që produksioni u detyrua ta largonte atë nga programi pasi kishte thyer rregullat së bashku me Arjonin. Ishte ky i fundit që publikoi fotot e tyre në shtrat, të cilat bënë “xhiron e rrjetit”.
