Mbrëmjen e djeshme moderatorja Ori Nebijaj ishte e ftuar në programin “E ardhmja është vajzë” ku ka ndarë me publikun momentin më të vështirë të jetës së saj që ishte humbja e babait.
Ajo ka treguar për herë të parë se ndarja e tij nga jeta ndodhi në mënyrë të papritur dhe se humbja e tij ishte shumë e vështirë për të, dy motrat dhe nënën. Marrëdhënia e ngushtë e aq speciale i bëri të ndaheshin jo vetëm nga babai, por nga një shok, mentor, këshillues dhe mbështetja e tyre më e madhe.
“Ndarja nga jeta e babait tim ka qenë momenti më i vështirë në jetën time. Ndodhi shumë shpejt, askush nuk e priste pasi ai ishte shume i shëndetshëm, aktiv me energji te paparë. Kuptova çfarë kanë dashur njerëzit të thonë kur kanë treguar se nga dhembja ju është shembur tavani mbi kokë, ishte vërtetë ashtu. Ai ishte i veçantë, luante me ne, ishte shok, ishte baba, flisnim me të. Kujtoj gjithmonë puthjen e mëngjesit. Ishte personi që merrja të parin në telefon nëse më ndodhte diçka. Këshilla e parë që doja të dëgjoja ishte prej tij sepse asnjëherë nuk më bënte të ndihesha e detyruar të bëja diçka se ai e mendonte ashtu, me jepte mundësinë të zgjidhja vetë“.
Më pas teksa tregonte kujtimet e bukura në familje dhe me babain e saj, Ori i dha një mesazh të fortë nënës së saj:
Sakaq, asaj i erdhi një mesazh shumë i bukur nga Flori Gjini, me të cilin prej tre sezonesh bashkëprezantojnë programin “Pushime on Top”. Ky mesazh i pëlqeu shumë moderatores duke treguar edhe një herë që ky sezon i afroi edhe më tepër me njëri tjetrin.
