Shtetet e Bashkuara do të ofrojnë mbështetje shtesë të sigurisë për Ukrainën, teksa Qeveria në Kiev po përballet me pushtim të shkallës së gjerë, tha Pentagoni të premten, duke shtuar se ende nuk është vendosur se cila është mënyra më e mirë për të dërguar ndihmë.
“Dua të jem i qartë: Ne do të ofrojmë mbështetje shtesë të sigurisë për Ukrainën. Ne do ta bëjmë këtë. Por, si do të dërgohet kjo ndihmë, ende nuk është përcaktuar”, tha zëdhënësi i Pentagonit, John Kirby dhe shtoi se “hapësira ajrore mbi Ukrainë është e kontestueshme”.
Para se Rusia të niste pushtimin e Ukrainës, SHBA-ja kishte realizuar disa dërgesa për forcat e ar matosura ukrainase. Presidenti rus, Vladimir Putin ka paralajmëruar kundër ndërhyrjes së jashtme në konflikt.
