Banorët e zonave të thella malore në vendin tonë jetojnë me pak të ardhura financiare. Ata tregtojnë prodhimet e tyre buzë rrugësh, ndërsa të ardhurat nuk mjaftojnë për të siguruar jetesën e familjeve të tyre.
Mustafa Guna jeton në fshatin Bel disa dhjetëra kilometra nga Klosi. Disa herë në javë ai merr këto arka me fiq, rrush, e domate për t’i treguar buzë Rrugës së Arbrit.
Thotë se të ardhurat e familjes së tij 7 anëtarëshe janë zero, pasi 6 muaj më parë i ndërprenë edhe asistencën sociale.
“Nuk kam asnjë të ardhur tjetër. Pata një ndihmë ekonomike por ka 6 muaj që ma kanë prarë. Kam 3 muaj pa paguar dritat”
Prodhimi i tij nuk gjen treg, pasi ai thotë se s’ka kush të konsumojë më. “Nuk ka fuqi blerëse. Shumë vështirë”. Në kërkim të tregut, banorët e Klosit zgjedhin rrugët për shitjen e prodhimeve
Në situatë të ngjashme janë shumë banorë të tjerë të cilët kanë zgjedhur rrugët për të tregtuar prodhimet, në mënyrë që të ndihmojnë sadopak ekonomitë familjare.
