Presidenti i Ukrainës, Volodymyr Zelensky ka akuzuar vendet evropiane që vazhdojnë të blenë naftë ruse duke “fituar para me gj akun e njerëzve të tjerë”.
Në një intervistë për “BBC” presidenti Zelensky veçoi Gjermaninë dhe Hungarinë duke i ak uzuar ata për bll okimin e përpjekjeve për embargon e shitjeve të energjisë nga të cilat Rusia do të arrijë të fitojë 250 miliardë paund ose e thënë ndryshe 326 miliardë dollarë në vit.
Ka pasur një zhgënjim në rritje në mesin e udhëheqjes së Ukrainës me Berlinin, i cili ka mbështetur disa sanksione kundër Rusisë, por deri më tani i rezistoi thirrjeve për të mbështetur veprime më të ashpra për shitjet e naftës.
“Disa nga miqtë dhe partnerët tanë e kuptojnë se tani është një kohë tjetër, se nuk është më një çështje biznesi dhe parash. Se është çështje mbijetese” tha Zelensky për BBC.
Presidenti gjithashtu përsëriti thirrjet për furnizimin e më shumë armëve në Ukrainë, duke thënë se ato nuk po i merrnin furnizimet aq shpejt sa për të shmangur sulmin e Rusisë.
“Shtetet e Bashkuara, Mbretëria e Bashkuar, disa vende evropiane – ata po përpiqen të na ndihmojnë. Por ende ne kemi nevojë për të më shpejt, më shpejt dhe më shpejt. Fjala kyçe është tani”, tha Zelensky.
