Nuk ka kaluar shumë ditë nga nisja e sezonit të ri të Përputhen dhe kanë nisur që tani shkëndijat e para mes konkurretëve por edhe mes dy opinionistëve, Arjan Konomi dhe Neda Ballukut.
Një opinion i Nedës për Mateon ka nxitur debat në puntatën e radhës “Përputhen”. Pasi u transmetua takimi i Mateos me Kamilën, Neda i bëri një pyetje Mateos që nxiti debatin.
“Si ka mundësi që një djalë si ty mund të shfaq interes për dy vajza, të cilat janë të kundërta, si Kamila dhe Eda. Më jep përshtypjen e atij djalit që mendon ‘Unë bëj eksperienca, por pastaj në fund do zgjedh një vajzë të mirë për shtëpi’. Këtë ide më jep”, tha Neda.
Pas kësaj menjëherë ndërhyri Eda, e cila iu drejtua Nedës: “Kush ishte goca që bënte eksperienca dhe goca e mirë mes ne të dyjave?”
“Mua më pyet kush janë eksperiencat e Mateos? Di unë! Pyete vetë!”, ia ktheu opinionistja. Edës i doli në krah Arjani, i cili reagoi keq kundër gjykimit të Nedës.
Arjani: Të flas unë që kam shumë eksperienca se ti duke mos pasur fare eksperienca, përveç njërës në jetën tënde, të siguroj që njerëzit pa eksperienca janë më të çuditshmit nga eksperienca jonë në Përputhen dhe nga eksperienca e jetës. Ata mund të shfaqin papritur atë që kurrë nuk e ke besuar.
Kaq mjaftoi dhe dy analistët filluan të debatonin me tone pak të larta ndaj njëri-tjetrit, gjë që është normale në një format të tillë.
