Janë bërë publike të dhënat e ministrisë së Shëndetësisë për 24 orët e fundit në lidhje me pandeminë e koronavirusit. Burimet zyrtare thanë se gjatë kësaj kohe janë shënuar 5 të vd ekur.
Njoftimi zyrtar i Ministrisë së Shëndetësisë:
COVID19/ Ministria e Shëndetësisë: 88 të shëruar, 156 raste te reja dhe 5 humbje jete në 24 orët e fundi
Prof. Mira Rakacolli Zv/ Ministre e Shëndetëssië dhe Mbrojtjes Sociale Situata epidemiologjike në vend në javën e fundit paraqitet e qendrueshme.
Sipas të dhënave javore rezulton se mesatarja e rasteve ditore është 145 raste. Gjatë kësaj jave ka vijuar edhe rritja e testimeve bazuar në gjurmimin dhe hetimin epidemiologjik.
Siç jeni në dijeni, Ministria e Shëndetësisë dhe Mbrojtjes Sociale ka liçensuar edhe subjekte jopublike për testimin.
Në testimet përfshihen testimet në strukturat publike dhe rastet për konfirmim diagnoze që rezultojnë të dyshuara ose pozitive në strukturat jopublike të liçensuara, sipas vlerësimit të IShP.
Gjatë 24 orëve të fundit në vendin tonë janë kryer 837 testime për vlerësimin e infektimit nga virusi SARS COV2, dhe 156 persona janë konfirmuar pozitivë me COVID-19.
Shpërndarja gjeografike e rasteve pozitive ditore është si vijon: 44 raste në Tiranë, nga 11 raste në Krujë dhe Kukës, nga 10 raste në Durrës, Fier, Lezhë, 9 raste në Shkodër, 6 raste në Elbasan, Lushnje, Tropojë, 5 raste në Berat, nga 4 raste në Has, Librazhd, Kamëz, Patos, nga 3 raste në Devoll dhe Vlorë, 2 raste në Mirditë, nga 1 rast në Kurbin, Pukë, Divjak, Shijak.
