Sara Hoxha, e ftuar mbrëmjen e djeshme tek “Më lër të flas” foli gjatë (si rrallëherë) për jetën e saj private. Trashëgimtarja e Top Medias, për herë të tretë në pritje të ëmbël, tha se me deri tani dilema më e madhe mbetet emri i vogëlushes që pritet të vijë në jetë.
Kjo jo sepse Sara nuk ka opsione emrash, por sepse bashkëshortin e saj, Ledion Liço nuk e bind asgjë!
“Unë zakonisht dal flas për intervista kur kam një projekt të madh siç është projekti im për momentin. Jam gjashtë muajshe, me dy fëmijët e parë ishte vendosur që në muajin e dytë, por goca e Ledionit është më e veçantë se sa çunat e Ledionit dhe asgjë nuk e bind për momentin. Ma ndërron edhe akoma jemi pak në dilemë”.- tha Hoxha.
E sigurtë është se vajza nuk do të ketë një emër qyteti si vëllezërit e saj, ndonëse për Sarën, emrat Sienna, Florence dhe India janë emra të këndshëm.
Në fakt, “ankesa” e fundit (pavendosmëria) ndaj Ledionit s’është e vetmja. Gjatë intervistës me binjakët Veshaj, Sara tha se ka specifikisht 3 gjëra që s’i pëlqejnë në veçanti tek ai.
Sara Hoxha nuk ka ende një emër për vajzën dhe kjo, për
“Gjëja e parë që nuk më pëlqen është kjo, që i thotë gjërat që nuk i pëlqejnë tek unë. E ka filtrin shumë më të largët se timin. Nuk ka filtra fare. Gjëja e dytë është një Binjak i luhatur. Mua më duhet të merrem me dy njerëz njëkohësisht. Njëherë thotë më pëlqen këtu, pastaj thotë jo. E treta është se Ledioni është shumë kërkues ndaj meje. Ai ka një ide për mua sesi unë mund të jem për potencialin tim. Ai më ble libra për të lexuar kur ikim me pushime, ndërsa unë nuk i lexoj. Ai fillon ‘përse rri në telefon’, sepse ai lexon për vete.”
