Sara Hoxha është rikthyer në Instagram me postimet e saj ku i përgjigjet pyetjeve të fansave dhe sigurisht shumica prej tyre pyesnin për shtatzëninë, lindjen dhe Poemën.
Sara zbuloi se emrin e vajzës ia kishte sugjeruar një fans dhe ajo e Ledri e kanë pëlqyer shumë.
“Dua të shfrytëzoj rastin dhe të falenderoj personin i cili kur kam bërë pyetjen për emër këtu në Instagram më ka sugjeruar emrin Poem. Nuk e mbaj mend kush ka qenë dhe më vjen keq për këtë gjë por gjithsesi nëse e lexon këtë, të falenderoj nga zemra”, shprehet Sara.
Ajo ka treguar se lindja ka qenë natyrale dhe shumë e gjatë: 12 orë. Sara ka thënë se Poemën e ushqen me qumësht gjiri dhe ky proces ka qenë i vështirë për të, duke dhënë edhe një mesazh shumë të rëndësishëm për nënat e reja.
