Pak ditë më parë mjeku i njohur Pëllumb Pipero mori çmimin “Qytetar Nderi” nga Bashkia e Skraparit. Por ajo çka u vu re në media ishte fakti se ai u pa duke u përqafuar me njerëzit, duke harruar kështu koronavirusin.
Pipero u prit me lule nga miqtë e tij, kolegët dhe familjarët. Puthjet dhe përqafimet me njerëzit shkaktuan një reagim të fortë dhe u bënë virale në rrjetet sociale. Ndërkohë në një lidhje me report Tv mjeku Pipero ka kërkuar ndjesë publike në lidhje me ‘gafën’ dhe sugjeroi se është një shembull që nuk duhet ndjekur.
Ai tha:
Ishte një gabim që duhej evituar. Duhet të ishim treguar më të kujdesshëm. Emocionet ishin shumë të mëdha. Është një shembull që nuk duhej të ishte ndjekur. Një ndjesë publike për atë që ndodhi. Duhej ta kishim shmangur.
