Amarda Toska një nga personazhet më të dashur të ekranit në vendin tonë, ajo pëlqehet nga gratë dhe vajzat, pasi shërben si një model për karrierën dhe për jetën private.
Kjo ka bërë që Ami të ketë edhe shumë ndjekës në rrjetet sociale, të cilëve i ka dhënë mundësinë të bëjnë pyetjet që dëshirojnë.
Një ndër ta e ka pyetur moderatoren se çfarë pëlqen më shumë të bëjë kur është e mërzitur dhe ajo ka folur troç. “Xhiro me makinë duke dëgjuar muzikë”, ka shkruar Ami pa komplekse.
Kujtojmë se bukuroshja i është përkushtuar biznesit të saj dhe fëmijëve, Joelit dhe Sias. Mesa duket ka vendosur të heq pak dorë për pak kohë nga televizioni.
Një ndjekës e ka pyetur moderatoren: “Jeta e luksit që ke atë bën të lumtur?” Ami është përgjigjur duke shprehur se sipas saj lumturia nuk vjen nga paraja, ndërsa shton se:
“Si fillim e dashur e sigurt se lumturia nuk vjen nga luksi por vjen së brendshmi dhe pastaj shfaqet dhe jashtë. Nuk mendoj se unë bëj një jetë luksi por jetën që bëj e pëlqej shumë dhe mendoj se e kam të merituar dhe kam punuar.”
