Një person ka humbur jetën mbrëmjen e djeshme në fshatin Petrovë të Prizrenit, pasi është goditur nga rrufeja. Sipas Policisë, ai është goditur nga rrufeja teksa ishte duke e drejtuar traktorin në tokën e tij.Si pasojë e shkëndijës së zjarrit bëhet me dije se është djegur edhe ngarkesa që ai kishte në traktor.
“Fsh. Petrovë, Prizren 02.06.2022 – 16:32.Viktima mashkull kosovar derisa ishte duke e drejtuar traktorin, dyshohet se është goditur nga rrufeja dhe ka humbur jetën.Si pasojë e shkëndijës së zjarrit po ashtu është djegur edhe ngarkesa që kishte në traktor.
Zjarrfikësit kanë dalë në vendin e ngjarjes dhe e kanë shuar zjarrin.Me vendim të prokurorit trupi i pajetë i viktimës është dërguar për obduksion”, thuhet në njoftimin për shtyp të Policisë së Kosovës.Një ngjarje shumë e trishtë kjo. Punëtori që humbi jetën ishte duke punuar në tokën e tij, duke qenë se tani është stina e mbjelljeve të produkteve të ndryshme ushqimore.
