E zgjedhura e Saimirit për një takim privat këtë herë ka qenë Flavia. Ata kanë bërë gara me njëri-tjetrin, teksa nuk kanë munguar as skenat romantike pasi kanë shkëmbyer edhe një puthje në buzë.
Veç të tjerash Flavia dhe Saimiri kanë hapur edhe temën e eliminimeve, teksa 33-vjeçari ka theksuar se vajzat bëjnë debat për t’u bërë lajm. Të jetë kjo kunjë për Silvanën. Javën që lamë pas bëri xhiron e rrjetit lajmi se Flavia Harizaj, konkurrente aktuale në “Love story” po njihet me një vajzë të quajtur Adriana Destani.
E gjitha nisi kur ish-konkurrentja e programit, Silvana publikoi disa mesazhe që i kanë shkuar në Instagram, nga një vajzë që thotë se është lezbike dhe se po njihet me Flavian. Kjo foto shkaktoi menjëherë reagime të shumta në rrjetet sociale, teksa nuk ka munguar as reagimi i Flavias. Kjo e fundit nëpërmjet një statusi në Instastory u shpreh se është e vërtetë që ka marrë lule nga mikesha e saj Adriana, por në shenjë miqësie dhe asgjëje më tepër.
