Ndërkohë që l ufta midis Rusisë dhe Ukrainës po vazhdon, Ukraina po i kërkon komunitetit ndërkombëtar të vendosë një zonë ndalim-fluturimi mbi vendin e tyre, por administrata e Biden dhe ligjvënësit nga të dyja palët janë kundër një hapi të tillë.
Në një video të postuar në Twitter të dielën në mëngjes, presidenti ukrainas Volodymyr Zelenskyy dërgoi një mesazh me titra në anglisht ku thoshte: “Ne përsërisim çdo ditë: “Mbyllni qiellin mbi Ukrainë!”.
Ambasadorja e Ukrainës në SHBA, Oksana Markarova, publikoi të njëjtin mesazh në “Fox News Sunday”, në përgjigje të administratës së Bidenit, e cila është deklaruar se nuk do të vendoste një zonë ndalim-fluturimi.
Markarova iu referua momentit se Rusia e sulmoi Ukrainën në mënyrë të paprovokuar dhe se nëse kjo mund t’i ndodhë Ukrainës, mund t’u ndodhë të tjerëve.
