Moderatorja e njohur shqiptare, Xhemi Shehu, ditën e sotme feston ditëlindjen. Shoqja e saj e ngushtë Arbana Osmani i ka bërë edhe një urim special mikes së saj.
Osmani ka publikuar në profilin e saj në Instagram një video të momenteve të tyre më të bukura. “Gëzuar ditëlindjen Chemi im, më mungon dhe të dua shumë”, shkruan Arbana.
Mes këtyre momenteve, në video shihet Xhemi teksa përpiqet të hedhë nga gota në shishe verën që i kishte mbetur dhe Arbana që “mban” ballin me dorë për gjestin e shoqes së saj. “E pra ta marrin vesh te gjithe qe ca me tepron, e marr ne shtepi. të dua pana”, shkruan Xhemi. Dy shoqet kanë një mënyrë interesante se si e quajnë njëra-tjetrën edhe në rrjetet sociale, Chemi dhe Pana.
Nderkohe, Arbana Osmani tregoi për Open ngjarjet që kanë lënë gjurmë në karrierën e saj profesionale për vitin që lamë pas.E para është mbyllja e programit “Dua të të bëj të lumtur” pas 5 vitesh dhe e dyta eksperienca me Big Brother VIP.
“Në plan profesional kanë qenë dy ngjarje të rëndësishme për mua: mbyllja me sukses e 5 viteve “Dua të të bëj të lumtur” , dhe gjithashtu rifillimi i Big Brother, kësaj herë në edicionin VIP, që është më i shikuari, më i diskutuari dhe komentuari. Është kthyer tashmë në një fenomen social, është bërë pjesë e shoqërisë shqiptare”, tha ajo.
