Sipas studimit të fundit të Eurostatit, Shqipëria, ka çmimet më të larta të ushqimeve në rajon, krahasuar me mesataren e BE-së.
Nga ana tjetër Maqedonia e Veriut ka çmimet me të ulëta. Këtu flitet që nga buka, drithërat, djathi, gjalpi, vezët, mishi e peshku.
“Mishi ka shkuar 9 mijë lekë kilja.”
“Edhe atë e bëjmë copa të vogla.”
“Peshk hamë një herë, në muaj.”
“I marrim erë këtyre produkteve. Ngopemi me të”
“Janë shtrenjtuar, e shohim, që blejmë më pak. Jemi të parët për çmimet dhe të fundit për të ardhurat në rajon.”
Ndërkohë Gjergj Buxhuku është shprehur se: Nuk është gjë e re ky rezultat i Eurostat-it. Kjo ndodh, sepse edhe ai prodhim i paktë, ka kosto shumë të lartë. Energjia është e shtrenjtë, nafta po ashtu, subvencione nuk ka, infrastruktura e dobët. Kreditimi është strapacues dhe i komplikuar. Gjithçka është përqendruar në pak duar, pra jemi në situatë monopoli.
Të gjithë këto na mbajnë në vend të fundit, ndërsa e kundërta e gjithë këtyre, e çojnë Maqedoninë e Veriut, në vend të parë, në rajon për çmimet më të lira.
