Deputetja e Kuvendit të Kosovës, Donika Kadaj dhe dy fëmijët e saj janë infektuar me COVID-19.
Lajmin e ka bërë të ditur vetë deputetja, me anë të një njoftimi në rrjete sociale, ku shkruan se janë vetëizoluar.
“Të dashur miq, dje kam rezultuar pozitiv në testin për Covid-19. Njëjtë sikur unë, edhe dy fëmijët e mi, Dardani e Doruntina.
Prej se e kemi marrë testin jemi vetëizoluar dhe do të qëndrojmë kështu duke respektuar rekomandimet e IKShPK, të cilët i falënderoj për punën e pandalshme e të palodhshme.
Është momenti ta ruajmë njëri-tjetrin, duke ndjekur veç tre hapa: mbajtje të maskës, mbajtje të distancës dhe mbajtje të higjienës personale”, ka njoftuar ajo.
