Arbër Hajdari, i njohur si drejtues i fondacionit “Fundjavë Ndryshe”, së fundmi edhe si opinionist i “Big Brother Vip” i ftuar ditën e djeshme në emisionin “Rudina” si asnjëherë më parë ka folur mbi jetën e tij personale.
Ai ka treguar se pas zyrtarizimit të lidhjes me Vlera Devollin, vajzën e një biznesmeni të njohur nga Kosova, jeta e tij ka tjetër vlerë.
“Nuk isha nisur fare, as nuk isha në kërkim të një personi sepse totalisht i angazhuar në to punët e mia dhe unë që mendoja “po të gjej një njeri tani do më marrë më tepër kohë dhe nuk do të merrem dot me punën”, por Vlera është një nga gjërat më të bukura që ka ardhur në jetën time dhe ka ardhur në kohën e duhur, është nga ata njerëz që më jep energji, më mbështet në çdo projekt që kam dhe anasjelltas, edhe unë jam një përkrahës i saj. Pra mendoj që jemi një çift i mirë”, ka treguar ai.
