Këngëtari i njohur, Ermal Meta, ka thënë gjithmonë me krenari se është shqiptar, edhe pse prej vitesh jeton dhe punon në Itali. Ai prej disa vitesh ka fituar zemrën e publikut italian me muzikën që bën dhe këngët e tij tashmë dëgjohen gjithandej.
Edhe pse përfaqësoi Italinë në “Eurovision” dhe famën më të madhe e mori atje, Ermali në çdo moment flet për Shqipërinë dhe shqiptarët. Para disa javësh, ai erdhi në Shqipëri për të mbajtur koncertin e tij të dytë në Tiranë.
Para fansave të tij shqiptarë, Ermali këndoi këngët e tij më të reja si dhe ato që tashmë janë kthyer në hite. Por ditën e sotme, Meta ka publikuar një video në “Instastory” ku ekspozohen bukuritë e Shqipërisë.
